ابليــــس يصـــف الوضـــع والحالـــة في البلاد
كان إبليس في غرفته , يلملم ملابسه في حقيبة
إلى جانب باقي متعلّقاته ...
على المنضدة القريبة كانت استقالته موقّعة ومختومة حسب الأصول , وبجوارها تقبع تيكيت إلى جزر القمر
كانت ملامح وجهه في تلك اللحظات
تنطق بالحزن, والكآبة , والإحباط , واليأس , وقلّة الحيلة ...
مع دهشة مزمنة ارتسمت عليه منذ فترة ليست بالقريبة,
قلت الحمد لله إبليس راحلٌ عن بلادنا إلى غير رجعة...
فليفرح المؤمنون
وسألتهوين يامسهّل؟ ليش عم بتضبّ غراضك؟
أجاب : يازلمة ماضلّلي قعدة عندكم, إللي سنين عاطل عن العمل
وقرّبت أموت من الجوع .. ما بلاقي معك سيجارة يا شيخ ؟
راح وما رح أترك فيكم لاوسواس ولا خنّاس!
كنت زمان أوسوس للوحدة تترك ابنها يبكي وهي عم تحكي مع جاراتها,
هلأ صاروا لحالهم... يرموا اولادهم بالحاوية أوّل ما يخلفوهم
كنت أوسوس للواحد ينسى يسمّي الله قبل ما ياكل,
هلأ بطّل حدا يلاقي إشي ياكلو! يا زلمة..
إذا أنا إبليس... تسمّمت بالشاورما
كنت كمان بوسوس للشب يرميلو كلمة عالبنت وهي ماشية بالشارع,
صاروا البنات يرمو عالشباب كلام أنا نفسي بستحي أحكيه
واحد بيسرق 100 مليون عينك عينك بيحبسوه 3 سنين بفيلاّ عالشط ,
وإثنين عم بينبشوا بمكبّ الزبالة بتقوصهن الشرطة
هذا غير القتل والطخ في الرجلين والنهب والسرق
وكلة كوم والأنفاق كوم لحالها؟؟؟؟؟؟؟؟؟؟؟
إنتو بدّكم إبليس إنتوا ؟؟؟؟
صار عندكم فائض بالفساد بكفّي 30 سنة لقدّام,
صرت خايف على حالي منكم يا زلمة
صرت اتجبر مرّات وسوس بالمقلوب وقول للمسؤول إرحم
وللحرامي بيكفّي.. خلّي شويّ للحراميّة اللي رح ييجوا بعدك..
يعني إذا إنتو لحالكم ما شاء الله بتعملوا كل هالبلاوي,
أنا إبليس شو أعمل ؟
أشتغل شوفير تكسي يعني
ولاّ أفتح صالون حلاقة ؟
ماضلّ غير أقدّم للأوقاف يعيّنوني إمام جامع!
هههههههههههه
