انا: انت مين؟
اوعى تقول: محمود
وماله شعرك منكوش
ودقنك طويل ممدود
شكلك واقع من قطر
تكونشى يا واد محسود
محمود: يا عم انا محمود
والشعر يتسرح
والدقن لو ممدود..
هانقصه يتصلح
لكن القلم مكسور
والفكر متكسح
يا رب ما تكسبه
ولا اشوفه يوم يربح
كل اللى يوجع قلبى
بلسانه راح يجرح
انا: مالك يا واد قولى
ضيعت فين صبرك ؟
وان كان قلبه قسى
القسوة مش طبعك
حتى انت بتقول اخ
لو زاد عليك وجعك
محمود: خايف لا بكرة يكون
اصعب من امبارح
خايف ابات مجروح
اصحى اكون جارح
خايف لا قلبى يموت
يحلف ماهو مسامح
وبايدى اقص الزرع
حتى ولو طارح
والصبر يصبح كره
يحجز كل المطارح
انا: اخرس كلامك دة
والله اقطع لسانك
انت تعرف الكره
ههه يخرب شيطانك
افتكر سيدنا يوسف..
واخواته لو كان مكانك..
كان قال: يا رب حمدك
وحّد .. رجع ايمانك
يا محمود افتحلى قلبك
وحكمنى فى لسانك
وقوم انده حبايبك
ورقك والوانك
ولحد مانت تروق
سيبنى ارسم بدالك
تمت.
اوعى تقول: محمود
وماله شعرك منكوش
ودقنك طويل ممدود
شكلك واقع من قطر
تكونشى يا واد محسود
محمود: يا عم انا محمود
والشعر يتسرح
والدقن لو ممدود..
هانقصه يتصلح
لكن القلم مكسور
والفكر متكسح
يا رب ما تكسبه
ولا اشوفه يوم يربح
كل اللى يوجع قلبى
بلسانه راح يجرح
انا: مالك يا واد قولى
ضيعت فين صبرك ؟
وان كان قلبه قسى
القسوة مش طبعك
حتى انت بتقول اخ
لو زاد عليك وجعك
محمود: خايف لا بكرة يكون
اصعب من امبارح
خايف ابات مجروح
اصحى اكون جارح
خايف لا قلبى يموت
يحلف ماهو مسامح
وبايدى اقص الزرع
حتى ولو طارح
والصبر يصبح كره
يحجز كل المطارح
انا: اخرس كلامك دة
والله اقطع لسانك
انت تعرف الكره
ههه يخرب شيطانك
افتكر سيدنا يوسف..
واخواته لو كان مكانك..
كان قال: يا رب حمدك
وحّد .. رجع ايمانك
يا محمود افتحلى قلبك
وحكمنى فى لسانك
وقوم انده حبايبك
ورقك والوانك
ولحد مانت تروق
سيبنى ارسم بدالك
تمت.
